اقوام متحدہ سے فلسطینی علاقوں پر اسرائیلی قبضہ کے خلاف قرارداد منظور

اقوام متحدہ کی جنرل اسمبلی نے فلسطینی مسئلے کے پرامن حل، اقوام متحدہ کے سیکرٹریٹ میں فلسطینیوں کے حقوق سے متعلق شعبے کی افادیت اور اسرائیل پر شام کے علاقے میں گولان پر طویل عرصے سے قبضے کے مسئلے کو بات چیت کے ذریعے حل کرنے پر زور دینے کی قراردادیں منظور کر لی ہیں۔

تینوں قراردادیں جنرل اسمبلی کے دسویں ہنگامی خصوصی اجلاس میں عرب ممالک کے گروپ کے سربراہوں، اسلامی تعاون کی تنظیم کے گروپ اور غیروابستہ ممالک کی تحریک کے رابطہ دفتر کی جانب سے پیش کی گئی تھیں۔